TODAY NEWS

Habari za Kitaifa Mrema- Nilipeni mafao yangu Imeandikwa na Shadrack Sagati, Dodoma; Tarehe: 25th June 2011 @ 08:55 Imesomwa na watu: 59; Jumla ya maoni: 0

Habari Zaidi: Hakimu akataa ombi la kukamata watu wa Chadema Wafanyabiashara 6 maarufu mbaroni Arusha Mbunge augua ghafla, aanguka bungeni Mrema- Nilipeni mafao yangu Mbunge- Mbona viongozi mafisadi hawakamatwi? `Mionzi ya minara ya simu haina madhara’ Spika Zanzibar awakemea mawaziri watoro Mzee akutwa na kiganja cha mtoto Lowassa aunguruma bungeni ‘Rushwa ya ngono sehemu za kazi bado tatizo’ ‘Kesi ya Magufuli’ kujulikana Julai 14 Zitto matatani Mkurabita washinda Tuzo ya Afrika Mahakama yaionya Serikali kesi ya Richmond Mafisadi wa vocha za pembejeo kukiona Bunge kujadili ‘chenji’ ya rada Tatizo la mishahara kwa walimu kwisha mwakani Jaji Mkuu aitaka Sudan ilinde mafanikio ya amani Wananchi wamshambulia Muasia kwa mawe SJMC waanzisha Shahada ya Uzamili Habari zinazosomwa zaidi: Balaa lingine kwa Chenge Salama: Jasiri aliyetangaza kuishi na virusi vya Ukimwi ‘Housigeli’ anataka kuniharibia ndoa Dina Marius, mrithi wa Amina Chifupa Kikwete achekecha wakuu wa wilaya Vatican yamvua jimbo Askofu Waliochaguliwa kujiunga kidato cha tano waongezeka kwa 22% Orijino Komedi, Jay Dee waitwa Iringa JK apigilia msumari wa mwisho Dowans Interpol yatumika kusaka wenye zeutamu MBUNGE wa Vunjo, Augustine Mrema ameiomba Serikali imwezeshe kwa kumlipa mafao yake ya kushikilia nafasi ya Unaibu Waziri Mkuu ili aweze kuendelea kushutumu maandamano yanayofanywa na Chama cha Demokrasia na Maendeleo (Chadema) ambayo alidai yana lengo la kuhatarisha amani ya nchi. Akichangia hotuba ya makadirio ya mapato na matumizi ya Ofisi ya Waziri Mkuu, Mrema alisema maandamano hayo hayana nia njema, kwani kuna mifano duniani kuwa mwisho wa maandamano hayo wanayoita ya amani mwisho wake ni kuiondoa Serikali iliyoko madarakani. Kwa hali hiyo Mrema katika mchango wake, alisema iwapo Serikali itamlipa mafao yake walau asilimia 20 atapata nguvu ya kutetea amani ya nchi kwa kulaani maandamano hayo. Licha ya kuwa hakutaja chama cha siasa; lakini ni wazi kuwa alimaanisha maandamano ambayo yamekuwa yanaitishwa na Chadema. Alisema kwa kuwa mawaziri wakuu wastaafu wanalipwa mafao ya asilimia 80 ya mshahara wao kila mwezi ni vyema na yeye alipwe walau asilimia 20. Mrema alikuwa Naibu Waziri Mkuu wakati wa utawala wa awamu ya pili iliyokuwa inaongozwa na Rais Ali Hassan Mwinyi, maarufu kama Mzee Ruksa. Mrema alipewa mamlaka hayo wakati huo akiwa Waziri wa Mambo ya Ndani ya Nchi, kazi ambayo inaaminika kuwa aliifanya kwa umahiri mkubwa. Waziri Mkuu wa wakati huo alikuwa ni John Malecela. “Iweje Rais aanzishe cheo kisichokuwepo kikatiba alianza Dk. Salim Ahmed Salim na aliyefuatia ni mimi, sasa mnaniambia nini? Alihoji na kuongeza : “Mawaziri wengine wastaafu mnawalipa haki zao, sasa hii kwa kuwa inamhusu Mrema mnaona sawasawa kumnyima, nipeni,” alisema Mrema huku akisababisha baadhi ya wabunge kuangua kicheko. Akielezea namna ambavyo maandamano hayo ya amani yanavyoondoa Serikali nyingi duniani, Mrema alitoa mifano ya nchi za Tunisia, Misri, Madagascar na Libya kuwa ni mifano halisi namna ambavyo serikali za nchi hizo zimeondoka madarakani baada ya wananchi kuingia mitaani na kuandamana kwa amani. “Hivi Watanzania tunataka na sisi haya yatokee hapa kwetu? Vitendo hivi tunavyofanya tuwe makini visije vikaharibu nchi yetu wenyewe,” alisema Mrema huku akiwa ameshikilia moja ya gazeti binafsi lililokuwa na makala inayolaani maandamano ya amani. Alisema vyama ambavyo vinahamasisha vijana kuandamana, ni vyema wahamasishe vijana hao kwenda kupiga kura ili waiondoe Serikali kwa kutumia sanduku la kura na sio maandamano. Alisema suala la amani halina cha chama cha upinzani au chama tawala ni lazima wale wanaotaka kuhatarisha amani hiyo wakemewe. Juzi Kiongozi wa Kambi ya Upinzani, Freeman Mbowe wakati akitoa maoni ya kambi ya upinzani juu hotuba ya Waziri Mkuu, alisema watu wanaobeza maandamano yanayofanywa na Chadema wakome mara moja. Badala yake alikitaka kila chama kikajipime mbele ya wananchi kama wana sifa za kufanya maandamano hayo ama la na sio kuyabeza, kwani wao wapo kwa ajili ya kufanya siasa.